café bar on 8

营业中

休息中

三年一度嘅一日重温急救课程嚟啦，St. John总部附近真系冇咩野食，好在今次有个同事话我知总部8楼其实有间餐厅，仲要系食buffet! 真系惊讶得嚟又惊喜，因为次次去都系上急救堂或暂考试，唔会谂到果座野仲有餐厅，咁就唔使走出外边食，好方便。餐厅环境舒适，有落地玻璃窗，由于位处8楼，望出外面有种心旷神怡嘅感觉。Lunch系semi-buffet﹐每位入场98蚊，另外每人要叫1个main course ❨40-100蚊❩﹐其实价钱都ok。我地main course点咗口水鸡pizza 2份❨@40蚊❩、千层面1份❨60蚊❩。估唔到口水鸡pizza呢个口味又几得意，小小麻辣味，醒胃。个千层面卖相唔错，都好食。而buffet有沙律菜、冷、热、甜品、生果都有，茶、咖啡任饮。海鲜有虾、青口，冷盘有烟三文鱼、几款火腿、芝士，热荤有中式咸/甜点心，糖水有紫米露，最赞系有豆腐花，仲有几款蛋糕，生果都有好几款。总括嚟讲我欣赏main course多d﹐但系呢d高尚住宅区之内有呢个价钱嘅buffet都算系咁啦。