漁匠料理 (已結業)

与老友相聚，佢系地胆，推介呢间地区小舖。地方细细，坐得有啲迫，但座无虚席，好热闹。老友负责点餐:黑牛爆珠雪糕特饮 可乐+呍呢拿雪糕+爆珠，乳酸味爆珠都几特别，唔系一味甜，甜中带酸增加食欲，但我个人钟意配朱古力雪糕多啲~杨枝甘露爆珠芒果雪糕特饮芒果汁+呍呢拿雪糕+爆珠+柚子肉+芒果肉，都系乳酸味爆珠，份量仲特别多，占成半杯! 室津生蚝又大只又鲜甜，仲配左啲三文鱼子，所以摆落口浅尝一阵后，滑嘟嘟一嘢滑落喉咙，好juicy呀，又冇腥味，好回味。黄羽太原条刺身店长推介，筑地直送，斑类既一种。切得好靓，亦排得好靓。第一次食呢种鱼，肉质新鲜，但唔觉有咩特别味道。附碟酱料味太浓，遮盖左刺身既鲜味。点少少豉油仲好味呀。银鳕鱼西京烧好耐冇食银鳕鱼，鱼皮烧得好脆，但烧得稍㶶同埋过咸。北海道海鲜海胆炒饭 上枱已经闻到好香，十足镬气。落左少少黑椒炒，非常惹味，用料亦非常足，差不多啖淡都食到虾或者带子，之前食o既so-call海胆炒饭都系落少少海胆一齐炒，但呢度就系摆啲新鲜海胆刺身上去，不过如果多啲就更好啦!大根鹅肝鹅肝煎得好香脆，用两片薯白夹住黎食，大减油腻感，好特别。而且鹅肝内软外脆，加上萝白既软熟，软脆软