上海婆婆 (如心廣場一期)

营业中

休息中

今日夜晚我嚟到位于如心广场嘅上海婆婆食饭，呢间餐厅喺如心广场都开咗一段时间，每次晚饭时间，都差唔多满足咁滞。排骨担担面呢个蛋白面溶咗唔少花生去烹调，面条爽口弹牙，配埋个汤一齐食，可以食到淡淡嘅花生香味。排骨唔会炸得太过油腻，啱啱好。上海小笼包小笼包入口充满汤汁，小笼包嘅皮亦都算几薄，价钱唔算太贵。琥珀合桃芥末虾球琥珀合桃上碟嘅时候仲系热辣辣嘅，入口有一阵焦糖同埋芝麻嘅香味。虾球方面都几大只，数量亦都唔少。整体嚟讲，我觉得今餐嘅食物都唔错，我最欣赏嘅就系个担担面，价钱合理得来之余，份量亦都够多。