外灘拾號 (已結業)

同老板个食饭，在附近揾间高级野食，出公数无所谓啦。客人系苏州人，上海野都啱佢食，呢度环境几高级，又舒适，服务都唔错。我叫咗铁观音茶，上等赁，够茶香，客人都赞。个火焰菠箩咕噜肉，真系够晒睇头，㸃左火，成个菠箩盖烘热，开盖好香，其实酸甜汁做得好，但咕噜肉腍身左，其实唔烧著佢重好，烧左D肉重腍，但菠箩够多，OK。上海雪菜肉丝炒年糕，要赞镬气够，炒得够爽身，雪菜有鲜味没死咸，肉丝淡口不鞋，D年糕软糯烟韧有米香，好弹，又索到少少汁，好食好送饭。个带子虾多士，虾胶做得好，带子又新鲜，但好油腻，个客好like 呢款港式fusion，我麻麻。