香港老飯店

营业中

休息中

小食我一向都唔会有期待的，不过呢个唔起眼的酸萝卜食落去系脆口而且有酸味，除咗白萝卜仲要有红萝卜加辣椒，酸酸地惹味又开胃。 核桃熏蛋，佢除咗外面闻到一阵清新的茶味之外，连个软心的蛋黄亦都系溏心，食得出有少少的茶香。樟茶大鸭，鸭胸嫩滑多汁，个皮唔会系一般香酥 鸭皮咁干争争，皮有少少油香嫩滑，唔理得肥唔肥，忍唔住要连皮都食埋。松子黄鱼，鱼已完全起骨，非常干净。鱼肉软滑，一啲窿的感觉都冇，鱼上粉的时候系薄薄，唔会厚厚实实，伴碟有脆面，点完啲酸汁一齐食都感觉到佢的香脆。不过献汁略为多左啲，失分!最后个碟火腿津白，看似简单的𩠌菜，但都可以煮得出色。个汤非常入味，明显汤系用咗好长时间淆制而成。块火腿唔会好咸，𠮶种咸香配津白少甜的味道系绝配。