上海弄堂菜肉餛飩 (歌賦街)

营业中

休息中

環境4分：正常連鎖餐廳格局，樓面高，Ｄ佈置好中國上海feel。雖然餐廳細細間，但地方都好見洗幾好坐，可以畀四分。衛生4分：枱面乾淨企理，Ｄ調味樽又冇話黐立立，見到佢地準備哂Ｄ白色膠板隔開搭枱嘅食客，衛生一樣畀四分。服務5分： 入門口到埋單走人服務員態度都十分之好。落單唔囉唆，上菜又夠快，滿分。味道5分：1)     阿娘餛飩之紅油炒手一客有六隻，每隻層皮十分之軟滑，餛飩餡個菜肉味好鮮同好足料，紅油夠嘢味，用埋嚟撈麵都不知幾正，加佢三分。2)     小籠包個賣相好似唔係好得咁，但係食落去呢原來層皮唔係厚喎，個豬肉餡夠嫩夠甜，熱辣又多汁，加埋炒手個紅油就仲好味。3)     一人套餐入面包左一個小食，一個主菜，白飯或菜飯，轉湯麵要加五蚊，凍豆漿都係要加五蚊。主菜要獅子頭湯麵個湯麵同肉分開上，大大碗Ｄ湯非常之好飲好夠味，唔覺唔覺飲鬼曬Ｄ湯。獅子頭燉得都非常之淋，一篤就分開左。小食叫左碟春卷，一條剪開一半，炸到非常之脆，菜同肉比例完美。抵食5分：茶錢五蚊，仲要不停同你加茶，一人套餐最抵，份量夠，好飽肚，可以畀五分。