町町丼丼 (威靈頓街) (已結業)

早排有日放半左日假😚约埋朋友去左中上环一间比较亲民既日式料理 - 「町町丼丼」食下tea吹下水😆是日两个妈妈都放低左小朋友👶🏻👶🏻真正边食边倾🍛好轻松😆呢间餐厅专卖日式和风丼饭🇯🇵店内既装修简洁舒适，食物种类多样化，由滑蛋丼、日式咖哩、蛋包饭、锅物，甚至小食。店内既座位唔多，主要以外卖为主，所以摆盘既碗都系用外卖盒，但上菜速度算快🚩🌟热门推介🌟- 大胜双层鳗鱼- 日式咖哩猪扒蛋盖饭🎈寿喜烧牛肉锅配饭摆盘都算精致🤎豆腐好滑🍲锅底唔会好甜，肥牛都算多，劲好𩠌饭😆珍珠米都煮得好好味～牛肉唔会煮到好老，可以Encore😚🎈滑蛋鸡扒丼卖相唔错，鸡肉份量适中，滑蛋仲有少少流心既口感，仲有七味粉同芝麻，整体捞埋饭一齐食好好味🤤🎈芝麻鸡翼一份有3只鸡翼，即叫即炸热辣辣🔥啖啖肉好惹味，我地两个一食即刻讲「哇好好食㖞」😂🎈饮品方面我地分别order白桃四季春同埋蜜桃红茶，见到店员整好倒入樽再放雪柜，饮落唔会好甜，茶味好香店员好亲切有礼貌，一边食都见到有唔少外卖单， 以lunch黎讲份量都足够，性价比高💡如果系附近返工既可以一试，绝对系区内居民同埋上班族用膳既好选择😆