1908bc British Chinese

营业中

休息中

过海想揾间静静地嘅餐厅撑枱脚，望望下，就揾到呢间中菜餐厅，一于试下佢个望落好丰富嘅tasting menu。一上嚟就系一碗暖笠笠嘅湖区海鲜羹，好足料而且鲜味，唔会做到太浓稠。跟住就系3道菜组成嘅前菜拼盘，虾多士、陈醋蜜汁排骨、脆皮素春卷，每样都恰到好处，小小嘅前菜咸点，令你食欲大增，迎接之后源源不绝嘅惊喜中菜。第一个惊喜系棒棒吉列虾挂包，其实系台湾挂包嘅变奏版，夹嘅唔系肉，而系吉列虾，贯切上半部嘅海鲜主题，食落香口鲜味。第二个系蒜蓉粉丝蒸扇贝，听落好普遍嘅菜式，但系食得出好鲜味大大只嘅扇贝上面淋上甜甜嘅豉油，十分出色。主菜部分最惊喜嘅系你无谂过嘅炒饭，口感层次丰富，炒饭粒粒分明。另一道惊喜嘅系甜品，两个人两种味，有柠檬mousse tart同芒果布甸tart，口感十分丰富。