京香閣 (已結業)

最近留意到网上宣传，上环有间酒楼做紧京菜放题，晚市二百几蚊任饮任食，有多款京菜仲有片皮鸭😋咁抵食，收工约埋几个同事一齐过嚟试吓。京香阁位于上环港铁站附近嘅无限极广场，地点非常方便。二百几蚊位，除咗有多款京菜任食，仲按人头赠送砂锅花胶鸡汤同埋原只鲍鱼花菇一份🥳花菇鲍鱼腍身入味。花胶汤真材实料，每碗仲有一片厚厚花胶👍🏻酒楼中间位置设有北京片皮鸭专区，有专人即切片皮鸭，仲有各式配料自助，有京葱/红萝卜丝/青瓜丝同京酱。片皮鸭外皮香脆，油香十足，鸭肉juicy嫩滑，唔会太油腻。服务员切得非常快手，唔洗等好耐就拎到👍🏻酒楼中间位置放有几张长枱，放满各式各样嘅京菜，仲有新鲜沙律菜🥗京菜头盘包括镇江肴肉，油炆笋，醉翁虾，花雕醉鸡，刀拍青瓜，脆皮素鹅，凉拌小茄子......平时好钟意食呢啲凉菜，但人少少叫唔得几多，呢到啱哂我，放哂出嚟，每款试啲大满足🥳热食方面亦有各款蔬菜肉食，炒粉面饭，全部嘅味道都好有水准，而且食物仲refill都好快👍🏻剔剔纸可以拣点心同甜品，每样份量少少，可以试多啲唔同嘅款式👍🏻