LeeLaksa

营业中

休息中

呢间星马餐厅非常之显眼 就喺正马路口 大大个招牌写住餐厅名 呢日就同同事嚟咗食个lunch🍴海南鸡饭拼新加坡喇沙米线由于真系太想试晒佢出名嘅海南鸡同埋喇沙 所以见到呢个餐真系毫不犹豫咁样拣咗😙 招牌菜果然冇令人失望 海南鸡非常嫩滑 鸡皮部份仲要系好爽口 令人忍唔住食晒 海南鸡仲配上招牌油饭 油饭嘅比例啱啱好 唔会食完觉得太油腻🍚 去到喇沙嘅部份 呢一小碗汤底椰奶味道丰富 配菜方面仲有啲鱼蛋 虾仁 溏心蛋同埋豆卜 最令我惊喜嘅系佢嘅米线几弹牙🍜 下次会想食一碗大嘅喇沙🫢马来炒贵刁落单嘅时候 店员有细心提醒呢份炒贵刁会有少少辣😮 不过对我嚟讲绝对冇问题呀 因为我都几钟意食辣 炒米啲嘅主食部份有河粉 油面做底 而配菜方面有虾仁 鱿鱼 腊肠 紫洋葱 芽菜 侧边仲有花生碎 青瓜粒 同埋辣椒粉 捞埋一齐食就更加惹味同埋香口☺️饮品Corona 冇谂过呢个晏昼都可以食得咁chill😝 我哋叹住啤酒再食喇沙 真系人生一大乐事 另外加咗钱饮椰青 椰青水清甜 入面仲有好多椰肉👍🏻呢餐lunch真系好开心 真系chill得嚟又有星马风味 餐厅仲有好多单人座位 一个人嚟食lunch都唔会尴尬啊☺️