影片
更多
2021-09-13
172 浏览
荷李活道呢区嘅特色餐厅、咖啡店最近越开越多，假日慢慢地系呢区游走就好似去咗外地旅行一样。 Oldish 系呢个文青区内一间颇有名气既打卡餐厅。.到达荷李活道后再沿就会见到Oldish。已经系开店时间到达但入面已经有几台更早到既客人。坐低一阵陆续见有客人抵达，下层短时间内爆满。.餐厅行英式复古工业风，由门面到室内设计都非常之有特色，所以吸引过好多网红打卡。餐厅分左上下两层有好多特色摆设，睇得出每一个角落都摆咗唔少心机去设计装饰，例如墙身既旧电影海报、黑白旧照片等。特别喜欢佢嘅木餐桌，打卡好有味道。.Tom Yim Spaghetti 💲168⭐️4.2/5当初系为咗呢个冬阴功意粉所以快速敲定去试呢间餐厅，因为个人对呢一款嘅菜式特别有感。意粉摆盘靓有好多只爽脆大虾，再配以冬阴功独有嘅酸辣香味。冬阴功酱汁浓郁Creamy醒胃，上台一阵已被极速清碟。.Four Cheese Burger 💲158⭐️4/5呢个芝士汉堡非常打卡able，中间有超大一块芝士薄脆，配以特别厚身既汉堡扒同埋芝士。面包用左我最喜欢嘅甜包，经过牛油烘香甜甜地中和左芝士既腻。伴碟嘅沙律菜一啲都唔马虎，份量足黑醋香甜沙律菜新鲜。
.
到达荷李活道后再沿就会见到Oldish。已经系开店时间到达但入面已经有几台更早到既客人。坐低一阵陆续见有客人抵达，下层短时间内爆满。
.
餐厅行英式复古工业风，由门面到室内设计都非常之有特色，所以吸引过好多网红打卡。餐厅分左上下两层有好多特色摆设，睇得出每一个角落都摆咗唔少心机去设计装饰，例如墙身既旧电影海报、黑白旧照片等。特别喜欢佢嘅木餐桌，打卡好有味道。
.
Tom Yim Spaghetti 💲168
⭐️4.2/5
当初系为咗呢个冬阴功意粉所以快速敲定去试呢间餐厅，因为个人对呢一款嘅菜式特别有感。意粉摆盘靓有好多只爽脆大虾，再配以冬阴功独有嘅酸辣香味。冬阴功酱汁浓郁Creamy醒胃，上台一阵已被极速清碟。
.
Four Cheese Burger 💲158
⭐️4/5
呢个芝士汉堡非常打卡able，中间有超大一块芝士薄脆，配以特别厚身既汉堡扒同埋芝士。面包用左我最喜欢嘅甜包，经过牛油烘香甜甜地中和左芝士既腻。伴碟嘅沙律菜一啲都唔马虎，份量足黑醋香甜沙律菜新鲜。配埋薯条十分丰盛唔惊唔饱。
.
Oldish Tiramisu 💲78
⭐️4/5
经典嘅Tiramisu 喺呢度嘅名物之一，外表有别于其他餐厅既杯装或者件装上。上枱时服务员会将一份Espresso 倒系Tiramisu 中间。当切开嘅时候 Espresso 会同Tiramisu 融合，咖啡甘苦味同蛋糕芝士非常夹。酒味唔重，口感属于偏实型，唔系湿润软滑个种。其实两种口感各有各好，我两者都喜欢。
.
Cappuccino 💲30
⭐️3.5/5
咖啡强度几高，口感偏厚。
.
总结：餐厅环境出色不在话下，难得系食物质素同样好。净系为咗个冬阴功意粉都会系一间想再encore餐厅。另外温馨提示：大家最好订咗位先去，如果唔系真系有机会需要等。
.
不专业食评 nei.foodie
Four Cheese Burger
$158
10 浏览
0 赞好
0 留言
Tom Yim Spaghetti
$168
13 浏览
0 赞好
0 留言
Tom Yim Spaghetti
$168
16 浏览
0 赞好
0 留言
Oldish Tiramisu
$78
32 浏览
0 赞好
0 留言
Cappuccino
$30
17 浏览
1 赞好
0 留言
张贴
