影片
更多
2024-01-24
36 浏览
最近我喺上环探索咗一间西班牙餐厅，佢系一间私隐度高嘅私房菜，入面嘅装修摆设都好有格调，一啲都唔输蚀俾啲高级Fine Dining餐厅。✨Chicken Liver Pate首先第一道前菜已经好有惊喜，鸡肝酱好浓郁，而且好香口，再配上少少肉桂果酱，铺喺脆脆嘅面包上，一咬落去，滑顺嘅口感真系好正，有咸香之余又有少少果酱嘅甜味中和！😋Grilled cuttlefish with alloli呢度菜式系我嘅卖飞佛，首先啲墨鱼煎得火候啱啱好，嫩滑又弹牙，再配上佢哋自制浓浓嘅蒜泥酱，味道真系层次分明，鲜味十足！😍Garlic shrimp啲虾炒得够晒爽脆，只只虾都成只手掌咁大只，再加埋大量嘅炸蒜蓉同好香嘅橄榄油，啲蒜味同啲虾非常之match，果然系招牌菜之一！🦐Oven Baked Chicken首先餐厅会将成只烤鸡加上whiskey on flame先，之后再慢慢起肉。最特别嘅地方系餐厅会提供超过10款唔同口味嘅盐比客人选择同鸡肉做配搭，今次我哋选择咗嘅系有青柠味嘅盐，点少少嫩滑嘅鸡肉上面，食落即刻多咗一层好fresh嘅感觉。🐥Chicken-skin Oil Rice烤鸡皮同鸡肉一齐煲出嚟嘅
最近我喺上环探索咗一间西班牙餐厅，佢系一间私隐度高嘅私房菜，入面嘅装修摆设都好有格调，一啲都唔输蚀俾啲高级Fine Dining餐厅。✨
Chicken Liver Pate
首先第一道前菜已经好有惊喜，鸡肝酱好浓郁，而且好香口，再配上少少肉桂果酱，铺喺脆脆嘅面包上，一咬落去，滑顺嘅口感真系好正，有咸香之余又有少少果酱嘅甜味中和！😋
Grilled cuttlefish with alloli
呢度菜式系我嘅卖飞佛，首先啲墨鱼煎得火候啱啱好，嫩滑又弹牙，再配上佢哋自制浓浓嘅蒜泥酱，味道真系层次分明，鲜味十足！😍
Garlic shrimp
啲虾炒得够晒爽脆，只只虾都成只手掌咁大只，再加埋大量嘅炸蒜蓉同好香嘅橄榄油，啲蒜味同啲虾非常之match，果然系招牌菜之一！🦐
Oven Baked Chicken
首先餐厅会将成只烤鸡加上whiskey on flame先，之后再慢慢起肉。最特别嘅地方系餐厅会提供超过10款唔同口味嘅盐比客人选择同鸡肉做配搭，今次我哋选择咗嘅系有青柠味嘅盐，点少少嫩滑嘅鸡肉上面，食落即刻多咗一层好fresh嘅感觉。🐥
Chicken-skin Oil Rice
烤鸡皮同鸡肉一齐煲出嚟嘅煲仔饭，香脆嘅烤鸡皮，再配合埋吸收咗鸡肉鸡油所有鸡精华嘅煲仔饭，餐厅仲要自己调配咗自家制嘅酱油，呢个组合真系天衣无缝，亦十分之美味。🤤
Catalonia Cream with homemade ice cream
Catalonia Cream有浓郁嘅蛋黄香味，入口相当香滑溜溜，加上佢哋自家制嘅雪糕：士多啤梨🍓 x Baileys🥃亦都系相当之有惊喜，有果香有酒香，但系甜而不腻非常之正！🤣
餐厅仲free corkage 免开瓶费，非常适合庆祝或包场😃
张贴
