餃掂手工餃子雲吞專門店

上环行街买海味买到攰，经过呢间叫饺掂嘅餐厅，朋友又钟意食饺子，就拣咗呢间饺子专门店，餐厅光猛整齐，座位亦寛敞舒适，餐枱上已经准备埋常用嘅调味，俾客人自己添加，日本龙凤蛋（配黑白松露酱） - $32/碟龙凤蛋卖相漂亮，全部都系溏心蛋，配有黑白松露酱，味道香浓，个人认为必点必试。蜂蜜柠檬薏米水 - $28/支大大支，不会太甜，饮到有蜂蜜嘅甜，同埋柠檬嘅香味，薏米亦都好足料，调味不会过甜，很好。自家制山楂雪梨水 - $28/支山楂雪梨水味道酸酸甜甜，很开胃。状元九鼎汤个汤好大碗，饮得出无落味精，系真材实料熬出嚟，顺带一赞，隔渣隔得好干净，唔使担心会有碎骨之类嘅残余物系汤里面。龙凤松茸双汤饺（跟状元九鼎汤） - $92/8只包得好靓，完全无穿，好大只，皮好薄，配黑白松露，超足料，而且包有新鲜猪肉，有肉汁，好出色。至尊松茸猪肉煎饺（跟状元九鼎汤） - $86/8只每一只都煎到金黄色，完全冇㶶，外脆皮，内爆汁，调味不会过咸，果然系餐厅推介。