銀座神樂屋 (已結業)

上星期第四次帮衬湾仔银座神乐屋，近一年去过三次，之前食物好味，食材新鲜，最吸引系刺身，带子甜虾唔算特别鲜甜，但整体质素还是吸引，食物种类多，甜品好味，但上星期再次去，服务差，我哋入座后照旧写三章纸仔入单，我哋一坐低佢就放低一份我哋冇叫嘅刺身拼盘，唔紧要，都系食刺身，但系我哋三张纸写低咗我哋想叫嘅刺身类别，指定数目，点知等咗半个钟头完全冇上菜，我就唔好意思问吓个女服务员，请佢帮手问问，佢诈谛行开去刺身bar,之后行返嚟同我讲:「你再画过啦，」我𠮶一下就觉得：我哋跟规矩写好晒品种+数量（当然有正确写枱号）但系点解唔系跟客人order做嘢？你有你点佢有佢上菜，之后再嚟嘅刺身拼盘，根本不是我所点嘅种类，全部都系一式一样刺身拼盘，例如你写三文鱼五件+带子五件，佢唔会上俾你，之前帮衬三次都唔觉有呢啲事情发生，而且服务员真系比之前冷淡，21:00已经赶收工（餐厅坐到22:00点），比之前退步咗，今次仲加价到$318以上（未加一）下次应该唔会帮衬