LOF10 Bistro (已結業)

同朋友相约系湾仔行街，顺路食个港女tea。店舖装修阔落精致，好岩一班朋友坐底倾计同chill up。意式黑椒牛肉班尼尼配薯饼班尼尼即叫即烘底上到黎热辣辣好脆口，睇到爆芝士多到漏出黎，牛肉都几足料，调味唔错唔会太咸，黑椒整体都好出味。个包唔会烘得太耐硬倔倔甘，食落仲好松软。雪糕曲奇三文治雪糕有得拣奶茶味or抹茶味，我就拣左奶茶味。虽然上到黎变左朱古力味，不过有意外惊喜。朱古力味好香浓会食到系偏苦味嘅朱古力，夹埋脆脆嘅曲奇真系二重享受。Hojicha Latte 虽然培茶冇拉花，但佢系靠味道取胜，培茶味浓厚。好中意佢奶泡打得好幼滑厚身，饮落好顺口。总括黎讲，食物质素唔错摆盘几靓好岩打卡，而且店员服务好有礼貌，又一朋友约食饭嘅好地方。