Cafe 1950歐陸餐廳 (已結業)

约朋友闲聊, 我一定首选CAFE 1950, 贪其易揾位兼多选择又坐得舒服。我点咗SET最不普通的酥炸鸡软骨配薯条餐, 我相信一般餐厅好少机会下午茶餐有呢个选择。鸡软骨炸得松脆香口, 面头既系蜜糖芥末酱, 同其他餐厅既普通沙律酱唔同, 甜蜜蜜感觉即时为鸡软骨加分, CAFE 1950果然佢有自己特色。薯条更系我爱的粗条, 我喜爱粗薯条系可以一口有2种口感, 外脆内绵。呢一款正系我心意, 内绵可以食到薯仔本身的质感, 粉粉果种口感。