媽咪雞蛋仔

营业中

休息中

今日妹妹话想食鸡蛋仔，而本人本身对鸡蛋仔就好一般，不过妹妹话好想食，咁就就一就她啦！原来而家鸡蛋仔已经进化到有咁多只口味，真系令我大开眼界。妹妹拣左粟米紫菜味，原片紫菜和鸡蛋仔溶埋一起， 馅内见到有好多粟米，非常足料。最惊喜系粉浆整得好好，粉浆唔会太厚太散，烹调时间控制得刚刚好，仲要系即叫即整，热辣辣，非常好香脆美味。食完系真系觉得有下次，唔怪得有咁多分店啦！我叫咗杯宇治抹茶牛乳豆花， 我成日觉得豆花系杯嘢饮里面好奇怪， 但系我又好钟意饮抹茶， 咁就一于试下新野，睇下咩感觉。 抹茶好香唔会太浓， 而豆花比我想像中好滑， 味道又唔会太甜，冰又唔会太多，调较得好好，好岩味道。买任何一款格仔饼或者鸡蛋仔，再配嘢饮可以减4蚊，又唔错㖞。味道新颖，非常有新鲜感，样样都想试，价钱合理。