札幌拉麵 Miso No.1

营业中

休息中

话说我哋去荃湾睇Drama，去到2点半，得返1个钟，就谂住喺大会堂附近食啲嘢，行下行下就去咗荃新天地2期，见到札幌拉面Miso No.1，唔理咁多，入去食啦！点知𠮶下午茶又几抵食。招牌牛油拉面札幌拉面主打味噌汤，呢个招牌牛油拉面附上一块牛油，入口有浓郁嘅面豉味同牛油香味，好暖胃，啱晒冬天。拉面弹牙，叉烧半肥瘦，掂。最正系下午茶时段，呢个拉面都系38蚊咋。烧鲭鱼定食M佬拣咗𠮶鲭鱼定食，话要有饭落肚㖞，成个阿伯咁。不过条鲭鱼又烧得几香，一啲都唔干身，正。我哋咁大食，就梗系要叫小食啦，𠮶样又想食，呢样又想食，好彩有M佬包底，哈哈！枝豆热辣辣嘅枝豆特别好味，加埋少少盐，真系吊晒啲味出嚟。北海道南瓜炸薯饼即叫即炸，嚟到热辣辣，入口有好香嘅南瓜味，甜甜地，特别一提，系一啲都唔油腻。自家制饺子饺子新鲜煎起，皮薄香脆，粒粒都好足料，加埋七味粉同辣油，真系无得弹。串烧鸡翼鸡翼烧得好香脆干，加少少柠檬汁，酸酸地，吊返啲鲜味出嚟。串烧鸡软骨15蚊有三串，烧得啱啱好，有少少㶶，香脆有口感。（记住Like同Share畀朋友）