影片
更多
2020-03-22
777 浏览
有冇一啲野好似失却左好耐突然间又想揾返咁？话说好耐冇喺呢度写食评，突然间有返想重新写食评既心。因为转左工作环境，所以最近喺第一城食嘢嘅时间都比较多，亦都会开始试唔同嘅餐厅。呢间韩国餐厅都系咁啱见到，就走左入去试吓。好多职员都系韩国人。一个人食嘢包场....星期日都咁静....静静地都好嘅，我都钟意食嘢宁静。未入餐厅之前已经见到有个蟹子饭好似唔错，已经谂埋食咩先入去。当然都会再望吓Menu。最后都系拣返原本想食𠮶个芝士蟹子饭。开头仲误会咗佢套餐系有嘢饮，原来佢套餐系配泡菜同埋汤🤣一个人食唔到咁多野所以净系嗌左一样野..入边有一个员工系bar 位，出餐𠮶阵听到佢叫另一个员工，仲讲出一句野（我冇戴口罩唔系咁方便）但系佢系入边系拎住我嘅嘢食....我心谂唔系净系佢出餐𠮶阵先应该要戴口罩啰。宜家呢个时势，就算系整嘢食或者系中间传递嘢食嘅𠮶个员工都应该要带。咁大个人唔系需要我讲到出口啊.....因为好得闲得我一个客所以啲员工招呼完我就继续用佢哋嘅韩文去倾偈。都好正常嘅冇嘢做吖嘛。间餐厅环境睇到啦唔多讲，都OK呀正正常常咁冇咩特别。嘢食方面，卖相唔差都OK㖞，味道方面又冇d 网民讲得咁差姐。不过不失
话说好耐冇喺呢度写食评，突然间有返想重新写食评既心。
因为转左工作环境，所以最近喺第一城食嘢嘅时间都比较多，亦都会开始试唔同嘅餐厅。
呢间韩国餐厅都系咁啱见到，就走左入去试吓。好多职员都系韩国人。
一个人食嘢包场....星期日都咁静....
静静地都好嘅，我都钟意食嘢宁静。
未入餐厅之前已经见到有个蟹子饭好似唔错，已经谂埋食咩先入去。当然都会再望吓Menu。最后都系拣返原本想食𠮶个芝士蟹子饭。开头仲误会咗佢套餐系有嘢饮，原来佢套餐系配泡菜同埋汤🤣
一个人食唔到咁多野所以净系嗌左一样野..
入边有一个员工系bar 位，出餐𠮶阵听到佢叫另一个员工，仲讲出一句野（我冇戴口罩唔系咁方便）但系佢系入边系拎住我嘅嘢食....我心谂唔系净系佢出餐𠮶阵先应该要戴口罩啰。宜家呢个时势，就算系整嘢食或者系中间传递嘢食嘅𠮶个员工都应该要带。咁大个人唔系需要我讲到出口啊.....
因为好得闲得我一个客所以啲员工招呼完我就继续用佢哋嘅韩文去倾偈。都好正常嘅冇嘢做吖嘛。
间餐厅环境睇到啦唔多讲，都OK呀正正常常咁冇咩特别。嘢食方面，卖相唔差都OK㖞，味道方面又冇d 网民讲得咁差姐。不过不失啦。喺碗野入边都有啲泡菜所以成碗野都系辣辣地，都算开胃嘅。加埋芝士仲有d 流添。所以最后食唔晒。
你问我会唔会再食，或者啦。始终唔系差嘅，不过又未去到好好味🙃
价钱方面韩国嘢来讲50几蚊一个算系咁啦⋯⋯
到比钱𠮶阵见到啲车仔系几得意嘅所以影咗相
张贴
