HABITŪ caffè (The ONE) (已結業)

下午茶时间入去,只有2枱客人,可以慢慢食慢慢叹!环境靓,播住法文歌(好似系),而且餐牌设计都好有外国FEEL。叫左杯乌龙茶咖啡同薄脆焦糖咖啡,乌龙茶咖啡唔太大乌龙茶味,奇怪既系佢竟然比起焦糖咖啡仲甜…薄脆焦糖咖啡,用匙整碎泡沫上既焦糖脆脆黎食,再饮一啖微苦既咖啡,完美既配搭!咖啡杯旁仲附送一件小小既甜饼,好贴心另外仲叫左个BURGER,份量超大,好难一口咬落去…配菜既薯条都唔可以忽视,十分之粗大,炸得刚刚好,好香脆。BURGER既牛肉好JUICY,一咬落去肉汁出晒黎,浓郁既牛肉味,正!加埋烟肉, 芝士同新鲜生菜同蕃茄,冇得输!包皮同包底唔系普通面包,有D似唔甜既麦包,焗到好脆。食到太漏,旁边仲有酸青瓜帮你开胃。