影片
更多
2010-10-23
70 浏览
早排，有海南餐厅店员喺上环地铁站 B 出口派单张，我顺便问佢系新开抑或转咗老板？因为，我记得之前有间叫金叶海南餐厅正是位于干诺道中；原来已经转咗手。我第二日得闲，通知 Openrice 加新餐厅！不过，我见价钱几贵，一直未帮衬过！再过一排，又有店员喺上环地铁站 B 出口派单张，今次系外卖 + 下午茶单张，外卖饭盒由 $33 ~ $45 ，都唔系好抵食！都系考虑吓先！反而，下午茶廿几$，可以试吓口味如何及食物质素！咁啱中午食完潜艇堡唔够饱，急不及待抢闸放工去食下午茶！一入到去，已经 5:45 ，我问：唔该仲有无下午茶呀？店经理话做埋我，真是感激万分！其实，下午茶直至 6:00；晚市价钱贵过下午茶一大截，店经理恨不得快啲转牌啦！我坐喺卡位枱，光线充足，并非浪漫情调！只见每枱摆放了假花 (感觉有点 Leung! ) 焗粟米吞拿鱼天使面 + 热好立克 $28 ( 下午茶无须加一 )原本系意粉，我要求转天使面。当碟天使面一上枱，哗！ 咁大碟！好惊喜！下午茶真系食得过！完全比预期多！天使面够幼身，软硬适中，口感不错！ 吞拿鱼份量算不少；粟米可带出甜味！食完好满足！天气转凉了，系时候饮热饮！以肥肥矮
我第二日得闲，通知 Openrice 加新餐厅！不过，我见价钱几贵，一直未帮衬过！
再过一排，又有店员喺上环地铁站 B 出口派单张，今次系外卖 + 下午茶单张，外卖饭盒由 $33 ~ $45 ，都唔系好抵食！都系考虑吓先！
反而，下午茶廿几$，可以试吓口味如何及食物质素！
咁啱中午食完潜艇堡唔够饱，急不及待抢闸放工去食下午茶！
一入到去，已经 5:45 ，我问：唔该仲有无下午茶呀？店经理话做埋我，真是感激万分！
其实，下午茶直至 6:00；晚市价钱贵过下午茶一大截，店经理恨不得快啲转牌啦！
我坐喺卡位枱，光线充足，并非浪漫情调！只见每枱摆放了假花 (感觉有点 Leung! )
焗粟米吞拿鱼天使面 + 热好立克 $28 ( 下午茶无须加一 )
原本系意粉，我要求转天使面。当碟天使面一上枱，哗！ 咁大碟！好惊喜！下午茶真系食得过！完全比预期多！天使面够幼身，软硬适中，口感不错！ 吞拿鱼份量算不少；粟米可带出甜味！食完好满足！
天气转凉了，系时候饮热饮！以肥肥矮矮嘅杯盛住，慢慢品尝个中味道，奶落得够多，水够热，够带出好立克特有香味！
食完个下午茶仲饱过上次喺中环 Affinity Cafe 个 lunch！
张贴
