華輝餐廳 (已結業)

黎食下午茶因为见佢既苹果批同鸡批超多推介。但因为行完山肚饿，鸡批苹果批又无下午茶餐，所以先叫下午茶餐打算食完找数先去买鸡批外卖。朋友叫左牛柳丝炒河（$38），我叫焗海鲜饭（$38）。牛柳丝炒河实在一般茶餐厅水准以下，奉劝大家别试 ；焗海鲜饭味道虽然一般，但算抵食多𩠌够饱肚。食到中途，见隔离枱既鸡翼薯条（$38）卖相相当唔错又多薯条，唔怪得价钱同炒粉麺一样，写低记住或者下次有机会可以试试。朋友食完炒河就叫苹果批，点知已经卖晒，只剩迷你鸡批，大个切开既鸡批都卖晒，所以靓姐主动叫我地想要鸡批就咪等埋单要叫定，无几耐重自动帮我地攞埋黎，强调否则迟少少就卖晒。到我地 5点零出去埋单，靓姐所言非虚果然所有批都已经卖晒。夜晚 9点几肚里个焗海鲜饭虽然未落隔，但闷闷地心思思都忍唔住要叮热个鸡批，叮唔使一分钟已经香喷喷。。。咬一啖果然皮薄馅靓，批皮松化牛油香，里面充满有鸡味既鸡肉，$14 完全值回票价，大埔名物名不虚传 虽然牛河劲伏，但鸡批同靓姐亲切既服务完全可以扳回分数，所以个笑分同味道 4星主要俾靓姐同鸡批既，好似牛河呢d唔开心既野呢个时势要尽量抹左佢。