好彩海鮮酒家

营业中

休息中

今日同妈咪系联合做d野，跟住去食饭，见好耐好似无饮茶咁就上左去 3 楼好彩饮啦。佢下午茶去到 5 点，一去到就有位啦。不过佢食物选择真系唔太多，得好少野拣，同埋都系一D好大路既野，无咩特别既野食。叫左个香麻花生卷，佢似系一个甜品黎架，好似D夹饼咁，入面系好多花生芝麻等等，甜甜地几好食。不过佢个皮就厚左D，而且无味既，但作为甜品都唔错。另外叫左个荔湾艇仔粥，碗粥份量不大，几快就食完。而且唔系太够味，偏淡，咁都好既好过系味精多! 入面有鱿鱼，猪肠等等，但都系个句... 无咩味。不过清清地要黎调和下都几好。因为我地之后叫左个好浓味既炒面，就系味菜牛柳片炒面，呢个好食呀! 佢D面唔会好硬好似个面饼咁，淋淋地刚刚好，而且系好惹味，因为有豉椒，味菜，红青椒等! D牛肉好淋又有肉味，好食。最后仲有个马拉糕同埋绿豆沙。两个都唔错，不过马拉糕好似干左少少，但味道是好的。另外绿豆沙几好食呀，好香臭草味，又多豆，唔会过甜，不过几细碗下。佢有茶钱有加一，加埋都唔平架。不过算啦，我地都系旨在舒舒服服饮餐茶姐。