享樂烘焙

营业中

休息中

周末去朋友屋企玩，所以带埋啲嘢食上去当下午茶。买之前向身边食过嘅朋友打听过，佢大推宇治抹茶蜜瓜包同埋摩卡奶酒流心蜜瓜包！而另一位朋友就想试下大热嘅开心果脆脆酥！果然无令人失望！开心果脆脆酥一如其名，上面充满着好多开心果仁碎，口感丰富之余，亦令个酥更香口！ 钟意开心果嘅朋友食完应该会几开心😆蜜瓜包都同样出色，外面层「蜜瓜皮」脆脆的，而里面唔会焗到太干太韧，整体亦唔会过甜。宇治抹茶比重啱啱好，唔会有苦涩味，非常恰到好处。至于摩卡奶酒流心包，我哋食个阵无翻热，所以睇唔到流心效果，不过佢嘅外层有咖啡味，入面嘅cream 嘅酒味几香。