椰林閣餐廳 (已結業)

好耐冇黎过椰林阁食，今日同朋友行街经过，就黎食下下午茶，下午茶时段比午餐价钱真系平好多，而且下午茶餐嘅选择都几多。黎到刚刚好系两点开始下午茶，人客比较多，冇哂卡位坐，而且要同其他人搭台，不过都明白，繁忙时段都冇办法。坐低之后就问侍应攞下午茶嘅餐牌睇，有茶点、炒粉面饭、焗类、汤面类、意粉同饭类，都好多种类选择。最后我叫左迷你野菌芝士焗长通粉，朋友叫左黑椒汁牛仔柳意粉，套餐连热饮，我地都饮热柠檬茶。朋友嘅意粉都上得几快，黑椒牛仔柳睇落都唔错，仲有d红萝卜配菜，朋友话味道可以，不过可能系下午茶餐，所以份量真系唔多。至于我嘅迷你野菌芝士焗长通粉，份量真系几迷你，而且碟边嘅通粉焗到干左，不过味道都唔错，芝士味几浓几香。总括来讲，餐厅嘅食物价钱都可以接受。