敏華冰廳 (荃錦中心)

营业中

休息中

下午茶时段本身经过敏华想食下炒蛋多士，见到下午茶餐有黑椒牛肉炒意粉，又想试下。平时食开葱油煎蛋猪扒饭，觉得几大份而且味道唔错。依家连茶餐厅都有得手机落单，而且仲有set到走洋葱依个选择，非常好。一上到枱见唔到干炒牛河果啲五颜六色嘅配料就知道系我嘅野🤣第一啖放入口差啲辣亲个口，超级新鲜，即炒起热辣辣。牛肉唔韧不过当然唔好要求佢会有牛肉味啦，香口有获气新鲜热辣已经加分。餐饮要左热柠水可以去下油腻，一眼望见有4-5块柠檬就知一啲都冇悭皮。下午茶时间见佢keep住会有酥皮蛋挞同菠萝包新鲜出炉，2样都有啲兴趣，不过食完炒意粉再食个包好似有啲heavy，所以就叫左个蛋挞算。平时都唔系特别钟意食酥皮蛋挞，系见佢新鲜出炉，点知一食落去都唔松脆，都唔系一层一层嘅酥皮，而且个底好似未熟完啲粉发唔起咁，透透地色，亦都唔觉得有蛋香味。我觉得依个价钱同质素黎讲，屋村平价面包舖啲蛋挞都好食过佢。