肥公車仔麵 (已結業)

以前住旺角，成日落去食肥公车仔面！胜在啲𩠌多选择，价钱又平！以前真系几好食！不过有已有一牌无返过去，今日再去食，真系大失所望，啲嘢食质素好麻麻，叫咗两碗车仔面，啲𩠌交换食下，再加一碟烧卖！啲烧卖好粉，完全唔觉得好味！　　啲碗筷油淋淋，想攞到只碗仔分D俾小朋友，每一只碗都系滑潺潺仲有啲𩠌咋，真系好污糟。问吓阿姐有冇个干净嘅碗，佢话系咁㗎！食完已经饮咗支可乐，但未返到屋企，已经口渴到爆炸！不过佢仍然系好多人食，仲要排队添！但我哋决定下次唔会再嚟。