孖寶越南湯河

营业中

休息中

突然想食越南嘢，经过见到哩间有人排队等，应该唔错～虽然入面比较细，位置唔多，但台下面有个挂钩，可以勾住个袋，方便好多～唔驶揽住个袋食嘢...叫左个鸡丝汤檬，由于当晚河粉已经卖晒，只有檬粉，加钱转虾头虾膏汤底，有写明话系辣ge，真系几辣下.......个虾头虾膏汤底几浓味，唔错，另外有青柠辣椒比客人自己加落去，加左青柠好清新。檬粉系好幼身ge，唔错，另外要讲下鸡丝，鸡丝比想像中有鸡味，意料之外！饮左杯咸柠七，个杯几得意～差不多食完ge时候，见到隔离块香茅猪扒好似好正，仲好香，下次要试一试。