break (已結業)

上星期去开 #牛头角 嘅工厂大厦，揾地方借厕所就发现 #海滨汇 呢个几fancy嘅地方有好多餐厅，今个星期竟然又去多次，仲喺𠮶度嘅餐厅食嘢，呢间餐厅原来做梗推广优惠添！✔️呢个推广优惠啱晒喺𠮶头返工嘅咖啡友：break Friday! 逢星期五全日black & white coffee买一送一（12pm-2pm除外）✔️最欣赏呢间店有唔少手冲精品咖啡嘅选择，最平58蚊就有一杯，虽然我今次无叫手冲咖啡，但竟然系我最想记住最想讲嘅餐品，下次有机会我一定喺度叹返杯✔️横滨黑蜜latte vs 36小时慢萃伯爵latte，两杯都好饮，我喜欢黑蜜latte嘅啡与甜蜜味嘅融合温馨，亦喜欢伯爵与啡喺舌上嘅甘味斗争✔️玉子烧吉列猪排三文治果然系镇店之宝之一，面包烘得好均匀好够金黄香脆，多士嘅香味扑鼻，一咬落去系由吉列猪排嘅crunchy迎接我，加埋甜甜地嘅玉子烧，不单口感层次丰富，就连味道咸甜都层层不同却交融一起✔️炸鸡牛油果酱丼都好丰富㖞，用牛油果做酱几特别，鸡件亦好软好juicy，配埋满满嘅饭就是一份满足