深宵食堂 (已結業)

星期五晚当然要出去食下好野, 于是上网睇下, 要环境好质素有保证, 好多人都推介深宵食堂, 同时今日行开尖沙咀所以就二话不说系度开餐, 始终对我黎讲, 除咗环境质素, 地点车程都好重要。当晚好彩7点前已经到达, 否则7点半过后, 店外已经大排长龙, 除非你一早BOOK 咗位, 如果唔系一位难求。店内一系列既木制家具装潢设计, 干净企理环境舒适, 感觉好似去咗日本。 密烧八爪鱼(鸡肉肠), 卖相唔错, 刀工细致而且份量都唔少, 好合适同一大班人吹下水食下野, 因为肠类加上蜜糖系好易会烧得唔好, 但呢碟火喉非常好, 系大厨细心之作。 一口安格斯系食堂推介食品, 价格有d贵但口感唔错, 肉质不会过硬之余, 牛肉肉水锁紧肉中, 保留肉既鲜味, 相对以前食过既安格斯牛, 呢次系最好。如果去深宵食堂无食过一口安格斯, 都好难话去过。 吉列广岛蚝, 卖相炸得过火少少, 口感还可但酱汁唔夹, 相信用沙律酱会好d, 期望之后有待改善。因为我觉得蚝系食日式食品一定叫。 冻豆腐, 对于我黎讲豆腐一定要够滑同厚切, 呢个就绝对够, 虽然好难夹起食, 但碟内有两只匙, 方便我地进食之余也可以避免与其他食物味道混