影片
更多
2021-05-01
88 浏览
今次介绍呢间台式饮品系台湾人气全素茶饮店，主打坚果奶盖，适合纯素者同对牛奶敏感人士。店舖喺2017年成立、2018年年底嚟到香港，先后喺新蒲岗、鲗鱼涌太古坊、观塘、旺角中心、九龙湾、中环、铜锣湾、葵芳开分店。Nuttea主打五种坚果腰果、核桃、杏仁、榛果、夏威夷果经冷压萃取乳化后制成嘅纯坚果奶，加唔同嘅茶底、水果配搭出唔同口味嘅全素饮品。招牌奶盖用上坚果制造，而且会不定时推出季节限定口味，好似多肉芒芒、士多啤梨坚果奶盖茶等。-1️⃣ 伯爵朱古力坚果奶盖茶 💰47（👅: 8.5/10）官方有提供饮法，首先扣住杯盖，用匙羹𢳂黎食坚果奶盖食。之后倾斜45度大啖咁饮，感受茶香同奶盖，最后搅匀饮品品尝特厚奶盖茶，饮到多层次嘅浓厚坚果奶盖。朱古力奶盖系用咗五种坚果研磨，同朱古力结合，最后喺表层洒上厚厚嘅可可粉。奶盖未饮之前闻到好香，已经见到奶盖差唔多有1/3个杯，系我饮咁多间最厚既一间，饮落好杰身好creamy，入口绵密，朱古力香浓苦甜，会一啖接一啖咁食，每一啖都闻到朱古力既香，店舖会提供匙羹俾你𢳂黎食，最重要系就算摆咗好耐，个奶盖都唔会沉咗落去同茶捞埋一齐，由于真系好多奶盖，饮完成杯系好饱肚，而榛子
今次介绍呢间台式饮品系台湾人气全素茶饮店，主打坚果奶盖，适合纯素者同对牛奶敏感人士。店舖喺2017年成立、2018年年底嚟到香港，先后喺新蒲岗、鲗鱼涌太古坊、观塘、旺角中心、九龙湾、中环、铜锣湾、葵芳开分店。
Nuttea主打五种坚果腰果、核桃、杏仁、榛果、夏威夷果经冷压萃取乳化后制成嘅纯坚果奶，加唔同嘅茶底、水果配搭出唔同口味嘅全素饮品。招牌奶盖用上坚果制造，而且会不定时推出季节限定口味，好似多肉芒芒、士多啤梨坚果奶盖茶等。
-
1️⃣ 伯爵朱古力坚果奶盖茶 💰47（👅: 8.5/10）
官方有提供饮法，首先扣住杯盖，用匙羹𢳂黎食坚果奶盖食。之后倾斜45度大啖咁饮，感受茶香同奶盖，最后搅匀饮品品尝特厚奶盖茶，饮到多层次嘅浓厚坚果奶盖。
朱古力奶盖系用咗五种坚果研磨，同朱古力结合，最后喺表层洒上厚厚嘅可可粉。
奶盖未饮之前闻到好香，已经见到奶盖差唔多有1/3个杯，系我饮咁多间最厚既一间，饮落好杰身好creamy，入口绵密，朱古力香浓苦甜，会一啖接一啖咁食，每一啖都闻到朱古力既香，店舖会提供匙羹俾你𢳂黎食，最重要系就算摆咗好耐，个奶盖都唔会沉咗落去同茶捞埋一齐，由于真系好多奶盖，饮完成杯系好饱肚，而榛子既味好香浓，食落有D似金莎味嘅奶盖。
茶底系伯爵茶，饮落茶底清香，唔会太甜，顺口唔涩口，后劲会有柑橘既香气慢慢渗出，好岩食完奶盖之后饮茶平衡返味道同腻感。。奶盖同伯爵茶搅匀一齐饮，茶就变成好醇厚既奶茶，会有新既味道出黎，感觉好似饮紧好厚冒朱古力奶，饮哂成杯唔会觉得满口奶盖或者饮到最后得返茶既不平均比例。。
-
⭐ 因为我成日去鲗鱼涌，基本上所有台式饮品都系哂海光街，如果要系NUTTEA、茶汤会、芳拣一间饮，我应该会拣NUTTEA，一黎佢既饮品比较特别，口味都唔系平时台式饮品会常见，二黎佢系三间入面夜晚最早收，成日都无机会饮到，虽然呢杯招牌系特别贵，但其他坚果奶盖茶、坚果奶都系大概30几蚊一杯，同一芳差唔多，比茶汤会贵(10-20几蚊一杯) ，所以如果我想饮珍珠奶茶就会拣茶汤会，如果我想饮奶盖茶或者奶就会拣NUTTEA，而一芳我谂暂时只有金钻凤梨绿得我欢心。下次NUTTEA会想试台湾红玉坚果奶盖茶、四季春坚果奶盖茶、粉红莓好坚果奶盖茶、香芋坚果奶，都系人气之选。
-
👅味道: 8.5/10
🍴环境: 7/10
💰消费: $47 (服务费: NA)
张贴