順德公漁村河鮮酒家 (已結業)

从朋友口中得知呢间《顺德公渔村河鲜酒家》有唔少以河鲜烹调既菜式，当中包括多款「鱼」鲜，如老火炖汤及山坑鲩鱼等招牌菜，所以特意带爸妈黎尝一尝。观塘店藏身于帝盛酒店中，识食之人才懂来啊...... 虫草花天麻炖鱼头汤 - 炖汤非常足料，大鱼头、猪肉及鸡脚得汤料可一同食用，味道还可以，唔会好似一般汤料甘无晒味。而炖汤味道好鲜味，好清甜，感觉够滋补。顺德煎酿二叔公 - 即系鱼肉酿尖椒及鱼肉莲藕饼，比起一般食既鲮鱼肉更为惹味，虽然好食，但无咩特别。特色翅汤枱面蒸山坑鲩鱼 - 睇落又唔似有咩特色，但其实汤头出奇地鲜甜，而且毫无腥味，大家都争相饮完一碗先慢慢开始食鱼。鱼肉非常的滑，店方亦系鱼汤加左胡椒及蒜姜等辟味，所以鱼肉不腥，整体都几鲜味。得奖铜锣蒸污糟鸡 (半只) - 鸡肉超级嫩滑，亦带肉汁，而腌料的酱油味道咸甜并重，整体都几好食。