屋喔 (已結業)

好耐都冇食过台湾菜，无意中发现呢间个名几特别嘅台湾茶 - 屋喔🌼，一于就试下啦！上到去先知原来餐厅都几多位，有得选择室内室外。 睇下食咩先...真系台湾菜？🤔啲菜名好新颖！太肚饿嘅关系，我地两个人点了一枱食物😆吓亲身边嘅食客。 首先食个沙拉醒醒胃。我地拣左凯萨沙拉配大虾，估唔到有六只咁多😧正 焗薯皮好脆，配上芝士酱同烟肉，够香口。 黑松露野菌大虾，好多野菌，大虾都有6只而且唔"鞋"口，味道又够浓。 至于黑松露野菌蚵仔炖饭，好似意大利饭咁，但估唔到黑松露野菌同蚵仔咁夹，每一啖都有好浓黑松露再加上芝士粉👍🏻 我地每人叫左杯饮品，水果冰红茶酸酸扡，有好多水果，有得饮又有得食。而冰蓝蝶花蜜梨茶就偏甜。 最后我地忍唔住要试埋甜品😆见到好多人都叫窝夫都好想试下，不过我地实在食唔到咁多，所以最后只系叫左布朗尼蛋糕同法式焦糖炖蛋。布朗尼蛋糕会配埋雪糕、OREO曲奇、蓝莓同士多啤梨，夹埋一齐食就唔会觉得漏，清新好多！法式焦糖炖蛋都好好味，两份细小嘅甜品，就唔会太多食唔晒，又唔会觉得未食甜品而觉得唔完美！哈哈...可以满足到我个胃😋下次再黎试下个窝夫先！