可可豬椰香海南雞專門店

营业中

休息中

🔸特色椰香海南鸡饭🐥卖相几好，只鸡几嫩滑，只鸡又唔肥，几钟意食佢个饭同一般海南鸡饭嘅油饭唔同，呢度系椰香饭，个椰子味都几出，好香，完全唔会觉得油腻。旁边仲有好多木瓜沙律，整体份量都几多，一个人食够晒饱。另外附有一小盒酱汁俾你点海南鸡，个汁好好食，有啲蒜、酸酸甜甜咁😋🔸首创竹丝鸡海南鸡饭🐣黑蚊蚊既海南鸡😂个样一开始觉得有啲恐怖，阿妈话通常竹丝鸡都用嚟煲汤，第一次见用嚟整海南鸡饭🤣写住系自创既，佢哋用竹丝鸡嘅原因系比普通鸡营养价值高啲，滋阴清热同埋保肝益肾，好养生！我觉得竹丝鸡嘅鸡肉比较实净啲。两个饭都配有鸡汤，饮落去冇味精，有一两旧小萝卜，清清地唔错。🔸泰式酸辣无骨凤爪呢个好抵食，有好多只凤爪，酸酸甜甜好开胃！底下面仲有劲多木瓜沙律，食极都有😂🔸日本白桃乳酸梳打🍸加$12就有杯梳打，平时泰国餐厅饮一杯都至少20几蚊，都几抵饮，几香桃味，见到佢用咗泰国梳打水。未拎咗返屋企已经饮咗😋🔸热情丰富🍹即系热情果、杞子、青柠汁，清清地唔算好甜，有啲热情果籽咬下，感觉几健康。