田家雲南米線

营业中

休息中

好耐无出过南盛街一带，附近好似多左好多食肆，听朋友讲有间新开既米线舖，朋友试左话佢啲米线唔同平时食开果啲米线，系幼身米线，食落又几好食㖞，加上佢个汤系无添加味精，可以试下。所以我就睇下系咪真系咁好食。最近天气太闷热，所以我点左个捞米线（$38），无汤无咁热，今次我唔系堂食系叫外卖（+$1）拎走，可以返屋企慢慢叹。捞米线可加其他配料（$6-$15）价钱合理，我今次无加配料，但叫左一份鸡翼（$36）。捞米线我平时系其他地方都有食过，因为我外卖既关系，好多时啲米线都会一饼野咁，次次打开个外卖都时捞好耐先可以食，但系田家唔同，佢地无一饼野咁，我仲要隔左20分钟左右先打开，睇下啲米线，条条分明架，未食就已经觉得好正😆。好易捞，配料都好够，试一啖唔会好油好浆住浆住咁黏口，系好清爽又唔腻果只，啱哂而家啲天气食，幼米线原来都几好食，咬落几好，真系唔发胀架，唔怪得之无变一饼野咁。个鸡翼，应该真系烧架，平时果啲呃人多，会炸左先，呢个鸡翼一啲都唔油，好食。食完成个米线，我一啖野都无饮过，应该真系无添加味精架。