力天冰室

营业中

休息中

好耐冇黎过何文田, 今日经过, 竟然发现有新开既茶记。 一至既天蓝色设计就吸引到我入去啦。 入到去, 见到装潢就同附近既好唔同, 感觉好光鲜舒服。冇谂到2点后下午茶时间都咁多人客。 我同朋友坐底就叫左2个常餐加红豆冰。佢常餐都有几多野食, 我地叫左猪润滑牛米粉。 佢地既餐包竟然系用丹麦包, 肠仔仲有炒蛋。丹麦包暖笠笠配牛油炼奶, 真系好美味, 比起厚方包同牛角包更好食。 真系好少见有茶餐厅会有咁既配搭。 而炒蛋都好有水准, 亦都够大份。而碗米粉都唔错。 猪润虽然薄左d, 但却煮得好爽口, 而且够熟。 滑牛都好滑, 似打边炉既滑牛。 而且碗粉都有好香既姜味, 又唔会觉得辣个种。 味道几好。而最正仲有杯红豆冰。 饮落好香奶味, 红豆原粒, 咬落起沙, 甜度刚刚好。这间茶记真的不一般, 发现真系好好味。