小松鼠 (怡豐花園) (已結業)

見到呢間餐廳幾有特色，就入去食因為佢主要係食西餐，漢堡包之類。入到去環境都唔差，鋪頭細細但都幾乾淨，都唔會坐得太迫。見到佢有呢個二人套餐食，都幾抵，亦都好多款選擇。佢哋除咗有些套餐可以嗌之外，亦都有唔同款菜色所以散嗌，如果唔太肚餓嘅話亦都可以入嚟食一啲小食，都唔錯架。呢個係粉紅大蜆蒜蓉辣椒炒意大利粉，好香辣椒味，但係唔會話好辣，已粉都算炒得唔錯，比較乾身，味道不錯。另外呢個係安格斯牛肉漢堡，佢另外有沙律同埋薯條做配菜，所以唔怕淨係食一個漢堡包會唔夠飽，佢啲薯條炸得好香口鬆脆，安格斯牛肉都好入味，個汁亦做得好好。