鳥炎屋

营业中

休息中

今晚同妈咪行完海港城，本来谂住食串烧，但系最近有啲热气，见到四楼有间新日本餐厅，入左去试下哗！一个字「正」！我地叫左呢个牛油果软壳蟹卷，分量足，牛油果够哂熟，软壳蟹炸得刚刚好，食完一旧即刻忍唔住夹下一旧！唔好以为我地叫好多刺身，其实只系叫三文鱼同甜虾！一上枱个刻，咁大碗嘅！系咪搞错左？仲谂住几片刺身系只碟上面就算。真系不得不赞赏厨师既心思，令食客食指大动呀！三文鱼同甜虾都好新鲜！不错，不错！我地仲叫左芝士青瓜鳗鱼卷。鳗鱼都算香滑惹味，青瓜都几爽趣，加上炙烧既芝士系面，味道尝可。如果钟意食牛肉，千祈唔好错过呢个牛肉火锅！超足料！我数过牛肉至少有十片，冬茹、红萝卜、蔬菜⋯⋯总之食到你好饱！个汁又正，仲要热辣辣！呢个锅一定系我再去既原因