一杯鐵板燒居酒屋

营业中

休息中

「一杯」个人认为系观塘区最好味嘅日本居酒屋。价钱偏贵，但份量同诚意都十足。一坐低，店员就会介绍是日厨师推介。今日嘅厨师推介系「A5和牛广岛蚝卷」，$280一份。和牛肉汁鲜嫩包住只鲜甜广岛蚝。「南瓜沙津」，其实我唔太好南瓜，但依个南瓜蓉我又唔抗拒，上面既炸南瓜脆片仲好好味，个沙律汁仲好夹。「豚平关西烧」，入面既五花腩一d都唔腻，用铁板炒，加埋个日式烧汁，食完可以再食。「东洋卷」，用班㦸皮包实牛油果、鳗鱼、蟹籽，口味清新，另一必食之选。「三文鱼茶渍饭」，相比其他食物逊色，不试也罢。「关西烧二品」，大大份，拣左鸡肉、蟹肉做配料，有大量耶菜丝加日式烧汁，下次都会再食。串烧拣左「免治鸡肉串」可以不食，「烧牛舌」太好味所以即时叫第二round，「鸡肉京葱串」配搭一流。「炸鸡香葱汁」鸡炸得过熟同个汁少咸。「牛肉年糕串」口感特别。「厨师推介十件」件件寿司都很新鲜。