國際咖哩館

营业中

休息中

初试呢间国际咖喱馆。听闻过原来开咗好多年。所以键盘入边嘅装修都系比较旧试。本来想单点几款菜式，睇完个Menu睇到眼花撩乱😅 后来侍应姐姐推介我哋食个二人餐。我哋拣咗杂菜咖喱角（今餐系牛咖喱角，但系可以转杂菜咖喱角）、咖喱虾、非洲辣鸡。跟咗一个饭同一份薄饼。 之后再追加一份吉列猪扒咖喱汁另上。 个杂菜咖喱角好好有家乡风味，似 home made 𠮶只。咖喱虾就正正常常冇乜特别，但系个咖喱汁系好味嘅。非洲辣鸡味道都几特别，同平时食开嘅非洲鸡好唔同，甜甜辣辣咁。个咖喱吉列猪扒就真系必食！吉列猪扒炸得超好食😋 侍应姐姐超级亲切。送俾我哋自己拣咖喱汁嘅味道。本身咖喱吉列猪扒同咖喱虾个汁系一样啲，侍应姐姐俾我哋转另外一款嘅咖喱。 本人觉得跟饭配咖喱系好啲嘅。个薄饼都系一半，不过亦系好有 home made feel 。 我哋最后都只系食晒啲饭，薄饼就食净一半。 如果突然间想食咖喱，呢度都系唔错嘅选择。