影片
更多
2024-02-06
99 浏览
🍊 餐厅名称：弥敦左岸 (尖沙咀)🐝 味道：8.5/10环境：8/10整体分数：8.5/10💰人均：$300+———————————————————只能说呢间绝对系俾人低估嘅真。隐世Bar&Restaurant ，门口经过可能唔算起眼，会以为系间普通酒吧，点知上到一层完全系另一个面貌，野食嘅质素系同区嘅新高度。而且一坐低店员就好有耐性咁将menu由头到尾介绍一次，好加分。松露酱烤牛骨髓|和牛面肉酱|酸种多士 💰158牛骨髓呢类型嘅食物唔算超普遍，抱住一个try something new嘅心态。将和牛面肉酱铺上多士一齐食，牛味好浓而且配埋多士食啱啱好，我甚至乎会净系食个酱。除此之外仲有骨髓可以食，作为前菜真系打开晒个胃口。北海道珍宝带子XO酱扁意粉💰228中西合璧嘅一道主菜，用XO酱去炒意粉，令到成个味道好惹味，我觉得好特别嘅系有加埋胜瓜同埋木耳入去炒，好少会见到呢两种食材放喺意粉到。而且仲有西班牙辣肉肠，以及北海道珍宝带子，净系呢碟已经带你环游世界。成个味道都好有惊喜同埋所有食材意外地合拍。香烤招牌黄油鸡（半只) 💰288店员介绍𠮶阵提及咗整呢只黄油鸡需要经过三个步骤，首先就系要腌制
味道：8.5/10
环境：8/10
整体分数：8.5/10
💰人均：$300+
———————————————————
只能说呢间绝对系俾人低估嘅真。隐世Bar&Restaurant ，门口经过可能唔算起眼，会以为系间普通酒吧，点知上到一层完全系另一个面貌，野食嘅质素系同区嘅新高度。而且一坐低店员就好有耐性咁将menu由头到尾介绍一次，好加分。
松露酱烤牛骨髓|和牛面肉酱|酸种多士 💰158
牛骨髓呢类型嘅食物唔算超普遍，抱住一个try something new嘅心态。将和牛面肉酱铺上多士一齐食，牛味好浓而且配埋多士食啱啱好，我甚至乎会净系食个酱。除此之外仲有骨髓可以食，作为前菜真系打开晒个胃口。
北海道珍宝带子XO酱扁意粉💰228
中西合璧嘅一道主菜，用XO酱去炒意粉，令到成个味道好惹味，我觉得好特别嘅系有加埋胜瓜同埋木耳入去炒，好少会见到呢两种食材放喺意粉到。而且仲有西班牙辣肉肠，以及北海道珍宝带子，净系呢碟已经带你环游世界。成个味道都好有惊喜同埋所有食材意外地合拍。
香烤招牌黄油鸡（半只) 💰288
店员介绍𠮶阵提及咗整呢只黄油鸡需要经过三个步骤，首先就系要腌制之后蒸熟，再风干，最后先可以攞去烤。咁样做法可以保留住鸡嘅新鲜肉汁之余仲可以令到表皮非常脆口。老实说食嘅时候我觉得有啲似炸子鸡，但系比炸子鸡好食一百倍。店员会喺你面前切开只鸡，原因系要俾顾客知道喺切嘅过程中会有好多鸡汁流出嚟，所以店员想只鸡剪完之后原只碟上枱俾客人。只能说我对呢只鸡真系无话可说，好食到我可以再食多半只。佢另外加多$78就会有个黄油鸡饭好可惜我今次冇叫到，我下次一定会再去覆桌。
另外今晚我哋去𠮶日就有个live Band可以听，大家有兴趣嘅话可以睇定时间去book枱啦。
🗺️ 尖沙咀赫德道5-9号德裕中心地舖及1楼
🔍#FlavorforToday尖沙咀
🚆 尖沙咀站N3出口，步行约3分钟
张贴
