曉廚軒香港風味 (已結業)

两口子食咩都开心既，简简单单一盅两件，食饱饱就满足地返屋企。 七点几大代依然冷清清，虽然坐落地玻璃边视野、景观较好，但费事行住野行咁远，求其对正舖头食够方便。今晚都系得四款饭拣，见到煎蛋牛肉几靓仔，要您啦。叫两个餐加个汤，有菜有肉有饭够晒！够均衡喇麻。，哗！流心荷包蛋！高质甘甜暖笠笠，好靓既金黄色包住饭粒一齐食，超好味！最搞笑我落错左喼汁当甜豉油捞饭，不过错有错著，原来几好味架，原本喼汁就系配牛肉啦。最后再加自家甜豉油混埋辣椒渣齐齐食，惹味香辣非常，正！饭粒又干爽咽韧有咬口，大爱！美味！梅香咸鱼肉饼饭，卖相同样一流！颜色鲜明有光泽仲立立亮！索一索香喷喷舒筋活络，咸鱼既咸香撞埋肉饼既肉香再被饭香笼罩著，流晒口水啦！急急添上几滴豉油跟所有配料捞得均匀，大啖大啖咁食，好满足好美味！肉饼弹滑 juicy，good！潮洲粉果，第一次试，拆开睇睇咩料先。沙葛、花生、芹菜、肉松，我对沙葛花生芹菜都麻麻地，不合我口味。质数不过不失啦，配上大量辣椒渣都唔错，系腌太少啰，有点空洞感觉，唔够饱满！仲有好大进步空间。顶级潮州粉果始终系大埔新明发，足料肉味香浓，馅料满满的，外皮薄而咽韧，又无花生芹菜同沙葛，