容記小菜王

营业中

休息中

之前每次行去大角咀或者喺太子揾嘢食嘅时候都会路过呢间容记小菜王，见到好多人食，又写住有米芝莲，一路都想试下。今次时间许可就过黎试下啦。🐖扬名国际烧肉 (细) $98黎到见到menu先知原来呢到系烧肉攞奖嘅，咁可以攞奖嘅烧肉就梗系要试一试啦。侍应拎碟野埋嚟嘅时候就已经闻到烧肉香味扑鼻，烧肉配甜酱同芥末。烧肉放入口入面，脂肪同肉嘅比例啱啱好，烧肉好软熟，炸嘅皮咸咸香香，烧肉算系香港数一数二好食，价钱虽然唔平，但真系一分钱一分货。🦑容记第一嘴 $88容记第一嘴其实就系椒盐炸墨鱼嘴，有一种避风塘嘅感觉。炸皮唔会太厚，墨鱼味亦保留到，如果你钟意食椒盐鱿鱼须，呢个𩠌你会好钟意，墨鱼嘴比鱿鱼会更弹牙更爽滑。🦐海皇捞粉丝 $88硬系觉得要叫个煲仔先可以食到白饭，所以就拣左呢个海皇捞粉丝。入面有粉丝、切成丝嘅菜、虾仁、带子同埋鱼，都算足料嘅。味道唔错，几啱送饭。除左呢啲之外，我地每人仲食左一碗白饭，最后顶住个大肚腩咁走。