影片
更多
2021-03-19
815 浏览
啱啱过去个星期日行经荃湾广场一带见到间间餐厅门口都排晒长龙😱正当我同老公企喺度谂紧系咪真系要排队食定买外卖返屋企食嘅时候转个身就见到呢间面店由于开咗喺另外一边相对上比较静嘅街所以一个等位嘅人都冇仲离远见到应该系老板嘅落寞身影企咗喺门口😢所以我哋就过去帮衬啦老公话呢间面店未搬之前佢成日都食个鱼汤可以话系全荃湾最出色嘅鱼汤底所以我哋两个今晚都食鱼汤我就叫咗五𩠌车仔面佢就叫咗鱼片牛腩米线一嚟到就试吓个汤先真系非常之鲜甜！完全饮得出系真材实料煲出嚟嘅而且份量好足我叫五个𩠌 多数都系蔬菜全部都超多！老公嘅牛腩鱼片 两款都系贵价食材但系份量都唔会孤寒值得一提系车仔面个𩠌入面嘅萝卜系超有惊喜！非常淋甜同入味入口即溶咁滞至于个牛腩都睇得出系靓嘅货色唔会太肥亦唔会过骚开始食面就加埋佢自制嘅辣菜甫同辣椒油即刻鲜味提升惹味咗唔少又系另一番风味我哋仲加咗$12 有碟菜同一杯细细的豆浆油菜叫咗芥兰同菜心 非常淋甜至于豆浆就冇乜特别 唔会太甜另外仲加咗碟酥炸鲮鱼球新鲜炸起好好食$25有五粒 虽然唔系好大粒但系都叫做非常抵食老板行开行埋都会问我哋个汤得唔得呀睇得出好有心♥️本人谂住食完晒碗面先至食鲮鱼球老板仲好主动过
行经荃湾广场一带
见到间间餐厅门口都排晒长龙😱
正当我同老公企喺度
谂紧系咪真系要排队食
定买外卖返屋企食嘅时候
转个身就见到呢间面店
由于开咗喺另外一边相对上比较静嘅街
所以一个等位嘅人都冇
仲离远见到应该系老板嘅落寞身影企咗喺门口😢
所以我哋就过去帮衬啦
老公话呢间面店未搬之前佢成日都食
个鱼汤可以话系全荃湾最出色嘅鱼汤底
所以我哋两个今晚都食鱼汤
我就叫咗五𩠌车仔面
佢就叫咗鱼片牛腩米线
一嚟到就试吓个汤先真系非常之鲜甜！
完全饮得出系真材实料煲出嚟嘅
而且份量好足
我叫五个𩠌 多数都系蔬菜
全部都超多！
老公嘅牛腩鱼片 两款都系贵价食材
但系份量都唔会孤寒
值得一提系车仔面个𩠌入面嘅萝卜系超有惊喜！
非常淋甜同入味
入口即溶咁滞
至于个牛腩都睇得出系靓嘅货色
唔会太肥亦唔会过骚
开始食面就加埋佢自制嘅辣菜甫同辣椒油即刻鲜味提升
惹味咗唔少
又系另一番风味
我哋仲加咗$12 有碟菜同一杯细细的豆浆油菜叫咗芥兰同菜心 非常淋甜
至于豆浆就冇乜特别 唔会太甜
另外仲加咗碟酥炸鲮鱼球新鲜炸起好好食
$25有五粒 虽然唔系好大粒
但系都叫做非常抵食
老板行开行埋都会问我哋个汤得唔得呀睇得出好有心♥️
本人谂住食完晒碗面先至食鲮鱼球
老板仲好主动过嚟问我点解唔食个鲮鱼球
我话因为好食嘅嘢要留返最后😂
跟住佢都笑咗出嚟
佢话要趁热食先好食
最后俾钱都同老板倾吓闲计
问佢呢排生意有冇好翻啲
佢话只要唔禁堂食其实都OK嘅
希望呢啲咁有心咁有人情味嘅小店
可以长存啦
P.S
事实证明个汤真系好好饮🤫😂
张贴
