Bamboo Thai (屯門市廣場1期)

营业中

休息中

坐低咗水都无杯都算，我地会叫嘢饮，到饮完叫佢俾水，第一个职员应完无咗件事，屋企人见等咁耐就自己去斟水，职员见到就行埋去睇我屋企人做乜但都无帮手，屋企人得两只手只能取两杯水回来，我地一行5人，再同第2 个职员讲想要3 杯水，个职员望下我地张枱，咩都无讲就走咗去，等咗一阵又叫另一个职员先拎3 杯水俾我地。可能用餐时间得90 分钟，所以d嘢嚟得好快。唯独蒜蓉包同油酥饼迟迟未到，同职员讲，佢都几唔礼貌，又凶我屋企人问边样未嚟，好似得罪佢咁，搞咗一轮，结果系落单个职员入单入漏咗。我地见差唔多每枱都叫火山排骨就试下，无谂过咁难食都可以做到招牌菜，似煲完汤嘅汤骨，又柴又无肉食又无味，试咗啖汁系好咸同酸，但d 味入唔到旧肉度。咖喱蟹唔合格，卖相ok 但无咖喱味。虾饼好细件，应该改名叫迷你虾饼，炒通菜同生菜包比一般餐厅细碟好多。生虾同芒果糯米饭味道ok，柚子沙律一般，可以不试。成餐饭最好味系杯饮品，而饮品当中芒果比较好味。呢个价钱来讲，份量真系少，而且限时90 分钟，又无服务又受气，呢餐饭体验好差，又中咗「好评地雷」，绝对无下次。