Cafe Deco Pizzeria (圍方)

营业中

休息中

瞓醒觉去附近揾嘢食，下昼3点半去到围方，谂住食意粉，去到餐厅门口，柜台有个黑衫四眼男人，埋去同佢讲「三位唔该」，唔应，望都唔望人一眼，等咗佢一阵，施施然望一望你，先带你入去坐。当时餐厅都坐唔到一半客。去到叫嘢食，有位外籍女服务员都算正常，有礼同我哋落单，食物算快，不过食物质素同个价钱就真系唔成正比，佢收得呢个价钱接近快餐店嘅质素，食物普通质素，服务就真系差少少。食到半路觉得食物唔够想再加，餐厅所有人都行嚟行去好似好，举手成几分钟都冇人嚟帮你落单。后加咗嘢食之后该男职员走嚟收晒我成张枱嘅餐具，但系佢啱啱帮我加咗单，食物嚟咗我成张枱一只叉都冇。食完嘢埋单，举手又系举手几分钟都冇人应你，喺后场倾偈都睇唔到我挥手。严格嚟讲，依间餐厅价钱贵，食物质素唔值呢个价，服务真系………。