龍邦燒味小廚茶餐廳

营业中

休息中

呢间食过好多次，可以话食十次，有七次都系嗌乳猪三宝饭！因为抵食！先讲乳猪，皮脆微暖肉嫩，有时候咁岩嚟到师傅岩岩开猪既话，真系特别好食。叉烧，似系用梅头肉整，非常之淋，味道亦好正常，正常味道。但就唔好预卖相好好，因为佢太淋既关系，斩出嚟加埋师傅有少少襟上去饭面，好多时都散收收既（d叉烧边位）。油鸡就正正常常，味道ok唔会浸到d肉好实。$67个乳猪三宝饭，我觉得好好食，虽然系内街入少少，如果你好钟意食烧味，经开可以去试下！d茶啡就好普通。姜蓉梅酱乳猪酱，又会分开比你，我觉得几好！如果去食下午茶，烧鸭濑粉果类，就建议嗌正价喇，烧味份量同粉既份量亦较多！！试过厨房炒粉面亦不错，有样野要留意，佢餐厅入面地下……好跣，记得慢慢行。