貓之茶房 (已搬遷) 新店位置

话说有一日同朋友去呢间Cafe 系好期待可以睇猫猫既，结果当天被服务员搞到咩心情都无哂。服务态度差，饮品淡而无味。猫之茶房系要人提前book枱，咁个电话打咗好几次都无人听电话，Cafe 忙可以理解，所以之后用whatsapp 订枱，订好之后就提醒我下次要打电话预订……咁我同朋友提早到，佢地话未有位住，之后会打电话通知有位，都无问题既，收到电话之后我地就赶过去，结果系要排队等入去。话说当天天气系三十几度，系门口等既每个人都等到汗流满身，每个排紧队既人都系有收到电话。 终于等咗接近30分钟左右，佢地开始放人入去啦，就系呢个时候后面就有刚来4人组冲咗入去话收到电话啱啱到，结果就即刻放咗𠮶4人组入去。我地梗系同d服务员理论啦，门口外面成村人排紧队，个个都热住身得劲耐先入到去，但佢地系咁重覆解释一句说话，「你地每个人都有留到位俾你地，唔会无位坐既。」个语气差到一个点。但个问题根本唔系有无位坐，而系佢地接受俾人打尖，呢个系咩道理？当下咩心情都无哂，迟来先上岸。对企门口出面排队既每一个人而言都系十分唔公平。 之后埋单，连企系门口𠮶30分钟都计钟啊。真系好唔开心的一天……无咩事，我都唔想写负评。