林記車仔麵

营业中

休息中

讲起太安楼车仔面，大家自自然然就会谂起佢，"林记" 都算系呢区平民食堂，三十几蚊一碗三𩠌面，味道唔错嫁。不论午餐，晚饭，下午茶，就连宵夜时段呢到都人流旺盛，梗有几个人排队。呢度有堂食，店舖内外都有枱櫈，买完自行揾位坐。至于卫生指数，就唔好谂喇，总之无见过小强，但地板会有骨，同埋张枱比较油。今日叫咗个4𩠌河粉外卖，埋单四十有找。打开碗面明明叫辣鱼蛋，无咗 揾极都无，但系有美味斋 ～ 噢... 原来比错咗，咁我要表示失落。猪手，够淋 好胶 好粘，不过仲有少少猪毛，见到D毛，打咗个冷镇，同埋揾咗把交剪，剪走咗有毛地方。猪红，无咩特别。鸡翼尖，咖喱香辣味，即系好味。食咗几啖先记得帮碗面影返张相留念。