影片
更多
2023-03-14
535 浏览
平日好少写食评，但昨天的经历觉得好离谱，要上黎讲下，事源屋企人有一叠time square coupon 未用，而昨日是最后一日可以用，谂住大家约埋出黎食个happy friday dinner, 要带埋小朋友出去食野本身已不是易事，女儿选了很久，最后想要碟牛肝菌蝴蝶粉，未上菜时已不断问点解仲未到，我哋答佢「蝴蝶」未飞到呀，佢就好开心咁等，食住其他野先⋯⋯我哋叫咗十几样野，碟粉最后先到，点知一上枱变咗系长通粉，个卖相非常唔吸引，我哋问职员佢话「因为无哂」然后就转身走咗，就无理番过黎。我再问另一位身形健硕企门口嘅女职员，讲俾佢知小朋友会好失望，问点解会唔讲声同就咁放低就算。佢一句唔好意思都无讲，仲大条道理加语气好差咁话：「我哋餐厅由xxx月之前已经无蝴蝶粉架勒wo！无好耐啦，咩粉都有系无蝴蝶粉」好似系唔知道呢件「大事」系我哋问题。🙄🙄但落单果一下完全无人同我哋讲过，我未试过一间餐厅系可以咁样黎处理问题。系一句都无讲，你系咪觉得是但整到埋黎我就要食？😦 我哋解释唔想要，因为呢碟粉系叫俾个囡食，佢见唔到蝴蝶果一刻已经想喊，唔会再可能要求到佢食，加上职员嘅态度，我哋已经完全唔想食，（如果你态度
我哋解释唔想要，因为呢碟粉系叫俾个囡食，佢见唔到蝴蝶果一刻已经想喊，唔会再可能要求到佢食，加上职员嘅态度，我哋已经完全唔想食，（如果你态度好少少，讲句唔好意思，我谂我哋平日都会食少少就埋单走）搞到我好好脾气嘅老公都好嬲，话想转过另一样，点知职员好大反应话：「得，你咪转！」然后又转身走，态度极差。
最后转要个pizza ，女职员用更无礼貌嘅态度：「又话转俾个小朋友？呢个pizza 系我哋全店最辣架bo ，话声你听咋」 到呢一刻，佢仲可以用咁嘅态度同客人讲野。
个pizza 黎到时明显辣酱落得俾平日重手好多，而等pizza 其间，果个女职员仲带多另一职员在我们附近指指点点，讲完一轮个男经理眼神非常唔友善咁仇视住我哋，咩事？？ 真系要black list 加唔会再黎呢间分店。
张贴